بدون مقدمات القصيدة تحكي عن نفسها وتفرض نفسها
وهي للشاعر الرائع . فضي حسين الذيابي الرشيدي
رياح الخوف هبت بالخفوق وزادت الدقات = واخاف القلب ينزعمن محله من هبايبها
من المجهول خايف والمصير وقلة الحيلات = وتدور بخاطري حاجات اصدقها واكذبها !!
تذكرت الخطايا والذنوب وحبي الي مات = وقلت اكيد واحد من ثلاثة هو سبايبها !
انا واثق واعرف ان الندم مايرجع الي فات = ولا دري كيف ابنسى ذكرياتي واتجنبها !
على كثر الدروب الي مشيت وكثرة السفرات = عجزت الحق هوا نفسي عجزت الحق مطالبها !!
تحديت الزمن مرة وبكاني عشر مرات = ويمين الله يابعض الناس غير ادقم شواربها !
انا لولا احترامي للوجيه الطيبة بالذات = تصدق من زمان العام يمديني مخربها !
ابقلب صفحة الماضي واراجع هامش الصفحات = وباخذ وقت مع نفسي على نفسي وعاتبها !
انا بين الخطاء والصح صرت اجهل بعض حاجات = ولا ثق صرت في دنياي من كثرت مقالبها !
نفذ صبر السنين الي يساعدني على الشدات = وبقالي صبر همه بس في روحي يعذبها !
وانا جيتك قوافي شعر تكسر حاجز الهقوات = من اطراف الحجاز وتاصل القمه بكاتبها !!
الشاعر الرائع . فضي بن حسين الذيابي الرشيدي