[قسورة الغاب]

السلام عليكم ورحمة الله وبركاته



اليكم هذي القصيدة وهي تعبر عن نفسها

الا يامل قلبن يتله داعي الطيب = يسووقه للحميه مثل سووق الزماله
مشاريه الوفاء كنها حرش العراقيب = مناجيبن تقادا علي درووب الجماله
مزاينها ينوومس ومجناها مكاسيب = تفووز ابها رجال الوفاء مع كل قاله
علي وضح النقاء ماتزاحمها الخطاطيب = وكلٍ عند رد البرا تارد جماله
وانا مارد زملي مغثربت المشاريب = ولا قالووا يطيب الولد من طيب خاله
نجايبنا نجاذب لها اكبار المغاريب = وابوو حظٍ ردي عادته تقصر حباله
وعلي طاري الوفاء والنشاما والمواجيب = يجي في ثوومة القلب للطيب اشتغاله
تلووج بقلبي الي هواجسيه محاضيب = علي جمر الغضا كل ما فوح دلاله
هواجيسن تلووفه علي غياب الاصاحيب = مثل لووف الهوا للغضا بعد اشتعاله
علي هوونك تركني مابين الضلع والذيب = ولا ادري وين قفت عن الديره رحاله
عسي ربي يجيبك ياعريب المجاذيب = يامحزم قسوره ساعة الضيق وعقاله
وترا صاحبك يمك يتله داعي الطيب = ويسووقه بالحميه مثل سووق الزماله

الموضوع الأصلي: قصايد للقسورة ومجموعه من الشعراء | | الكاتب: قسورة الغاب | | المصدر: شبكة بني عبس