اقتباس من مشاركة عبداللطيف العايضي
مسائكم أحلى من ضحكة الطفل ورقت كلامه ؟ وصباحكم أجمل من صوت العصافير لا غردت بشجارها
( أنفاس محبوسه )
أشيل الجرح في جوفي ولاكن شامخ ٍ رأسي=بلا صوت أتبسم عندي الأنفاس محبوسه
أشوف الحلم بعيوني ومرسوم(ن) بكراسي=تلألأ في سما فكري أحس بدقت أجروسه
زمان ٍ قاسي وحظ ٍ معه قاسي وأنا قاسي=أساير هــ الزمن والجرح ينزف معه ودوسه
أواسي جرحي اللي من دمل وأقول لاباسي=تطيب وتندمل بكره وسم الوقت بضروسه
الا يامسبب ٍ جرح ٍ مكين ٍ حابس أنفاسي=لوجه الله تشيل أرماحك اللي منك مغروسه
بعد قفيت خليته وحيد(ن) صرت له ناسي=خذتك الا مبالاه وزمانك مات فانوسه
معك عذرك ياجفن العين يوم أخترت الأنعاسي=تضم عيونك بحظن الدفئ وتبات محروسه
أخبي جرحك بجوفي لو أنه حابس أنفاسي=بلا صوت أتبسم عندي الأنفاس محبوسه
للشاعر/ عبداللطيف العايضي
تقبلوا أجمل التحايا
: |
هلا وغلا حياالله اللي له مكان وقدر رفيع
الله الله صح السانك شاعر جزل وقصيده جزله الله يبعد عنك قساوة الوقت
سجل اعجابي
وتقبل خالص الود والتقدير