من جروح الوقت لي نار وبراكين وهبوب
ومن جفا أيامي غديت من الجفا كني سراب
أشتكي همي شروق الشمس وأشكي للغروب
وأشرب من الظيم كاس وأحتسي سم العذاب
وأسهر الليل بجفاه وأستحل من الذنوب
وأستفيض من الدموع وأرتجي منه الثواب
خانت الدنيا وفا القلب الرحيم بهاللعوب
واغدرت فيني رماح الوقت وأردتني مصاب
يحترق فيني هشيم الروح وأسعره بشبوب
وأحرقه قلبي سعير الهجر وأحكي بالغياب
رحت أنادي فالحزوم وفالتلال وفالهضوب
رددت صوتي هوام البيد وجبال وهضاب
أنطفا فيني السراج وكنه النور محجوب
ضاعت السكه ولا أدري وين أصدر بالحجاب
من خلقني الله وأنا كني على الوقت مغصوب
خاصمتني دنيتي وأخطت معاي بهالحساب
إن نساني وقتي اللي خضت فيه من الحروب
ذكِّره إني جعلت جروح صدري له زهاب
علمه إني غدير الموت وأرميه بنشوب
ماني من اللي لا جفل ركبه على السمرا يهاب