[كاتب الرشيدي]

أعزائي أعضاء ورواد شبكة عبس

السلام عليكم ورحمة الله وبركاته :

اقدم بين أيديكم جديدي المتواضع لعل يروي ولو ربع ذايقتكم الراقية

اترككم مع النص

الشعر له منجم وله بالعلم ماثورن سوي = يامنجم الأشعار ياعذب القوافي واللحون
أحلام بدّدها الزمن والحلم بالقمه قوي = والقلب له هقوات والهقوه بقلبي ماتخون
افتش اكتاب الأماني بالآمل وش يحتوي = واليا قريت الفهرسه زادة على القلب الضنون
كان القلم حبره نزف دمي ولهجوسي خوي = لو يستبيح اللي بقلبي قلت بالخوه يمون
من الزمان اشره على الماضي إلى منه طوي = لون شرهات الزمن مايقولها غير امغبون
توارد الأفكار للراوي كما العد الروي = رواة من نسج الخيال يترجمون ويكتبون
على خيال الواقع المجهول كم ذيب يعوي = لو القلوب تشاهد الأحداث ماتشوف العيون
يشدني ودق السحاب اللي على الخد اثروي = وتستانس الأسماع في صوت الرعد جوف المزون
اوصف الأفكار من راسي بتوصيف بدوي = وانحت على وجه الصفاء لأجيال من بعد الكفون
وعلى ثقافة شاعراً من فلسفة شعره روي = واروى متذوقة الشعر بالمفرده من كل لون
عنتر زمانه لو يطول الخط والإ يلتوي = اسطاء من الفيصل إلى منه هوى فوق المتون

وسلامتكم

الموضوع الأصلي: ودق السحاب | | الكاتب: كاتب الرشيدي | | المصدر: شبكة بني عبس