[بندر الشويلع]

كيف اطفي الريح بثيابك وكيف اشعلك
كيف اتنثر على جمرك وكيف احتويك
نقضت ليل الحرير وجيت ماانت لهلك
سمًيت باللي فتني بك وقلت ابتديك
هذا اول الدرب اوهذا الطريق اولك
جيت اتوقا عذابات المدى واهديتك
شوقي مسافه وهمساتك مدار وفلك
ان ماظميتك غلى ياعلني ياعلني ناارتويك
اْيه اعرفك واعرف اني من غلاك اجهلك
مرات اضمك واخاف اني مشبه عليك
مرات اشوفك بنفس الوقت واتخليك وانشد كفوفي اخر سالفه من يديك
اعن لك لو تصب الموت واتهيلك
واجوع لك واتمنى خنجرك واشتهيك
ماقلت لك عمر سيف العشق مايقتلك
ماتشوفني حي قدامك وانا اموت فيك
اشتقت لك قبل اجيك وجيت واشتقت لك
البارحه طول ليلي بين هذي وذيك
مليت جمر انتظارك واستحيت أسألك
واحسبتني مابعد جيتك وفكرت اجيك
اثرك بقلبي من البارح وانا استعجلت
واثر نسيتك من الفرحة وقمت احتريك

الموضوع الأصلي: سيف العشق | | الكاتب: بندر الشويلع | | المصدر: شبكة بني عبس