[ذيب الهجاد]

السلام عليكم..

اتمنى ان تنال على رضاكم وان تلامس فيكم الوجدانيه..

قصيده في ذاكرة شاعركم تلامس وجدانه في كثير من المواقف
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
************************************

من باعنا بالرخص ياحسين بعناه=خله يولي مانبي صحبة رخوم

ظاعت علومه يوم طاح وكشفناه=عذر الردي ماينفع دايم الدوم

هذا الردي ماتكسب الطيب يمناه=الطيب صعب وله تقاليد وسلوم

يصعب على بعض العرب لو تمناه=يجني على نفسه كوابيس وهموم

وياما على وضح النقاء طيب سقناه=مانثني النفس العزيزه عن العوم

لو كان طيراً فالسماءفوق جبناه=ماينفعه لو كان صقراً على الحوم

سقناه لرجالاً لها الطيب حشماه=بفعالنا ياحسين مانقبل السوم

مرحوم ياشيخاً من العام ضفناه=يدهل دياره كل ضايق ومهموم

شهماً كريماً والمراجل وصاياه=والده شيخ ومنصبه عالي القوم

طاحت دموع العين يوماً دفناه=والعين عافت ياولد لذة النوم

يارب تغفر زلته مع خطاياه=هذا مقدر ماحصل شي مقسوم

والطيب يبقى للرجل طول ذكراه=مايحجبه عج الليالي مع غيوم

وسلامتكم......

الموضوع الأصلي: من باعنا بالرخص ياحسين بعناه | | الكاتب: ذيب الهجاد | | المصدر: شبكة بني عبس