[كاتب الرشيدي]

اقتباس من مشاركة ابو عوجه نعم نعم العام الاجهر صديق ويتصل فينا= واليوم الاجهر مغير رقم جواله رحل من العاصمه مر متعدينا=وحضر بحائل عسى مافالنا فاله عقب الوناسه وجلسات السلاطينا=هالحين في حال يوسف له ويرثاله كثرت مشاويره الله لايعنينا =يمتر الخط بقفايه وبقباله ولو ننشده قال ماحنا بعيدينا=الديره قريبه وهوه حالته حاله وفي كل يوم ٍ محمل له بطاطينا=هبت عليه الشمال وكثرت اعماله

اقتباس من مشاركة الاجهر بسم الله الرحمن الرحيم وهذا ردي علي قصيدة ابو عوجه يوم الربوع العصر لدار ماشينا = والا ابو عوجه ينوني مير يبغاله لشتاق لربوعة الله لا يورينا = يشتال عفشة وورعانه وغرباله في دار الاجناب صارو كشياطينا = شفت المهابيل كل يمدح اهباله مابين صانع وبين خضير الطينا = لو ابو عوجه بدارة يمكن اشواله والياسئلتة يقول احلاء ليالينا = تاسف لحاله عسى الله يصلح احواله الله وكبرعليه ان كان ناوينا = غرربه ابليس يسمعله ويبراله ان كان صابه اهبال الله يعافينا = الاجهر الليل بالمعني تساواله ابصخر القاف لين القاف يمدينا = وانا احمد الله قصيدي تضفي احباله حايل الشمر وحق الناس مايجينا = والراس مايستريح لا بمدهاله حنا لنا ديارنا والفعل ماضينا = حامينها لابتي رجلي وخياله حنا مع الوقت ماتنزل معالينا = ما ينشغل بالنا يامشغلن باله قرب الربع كان ماتدري يكفينا = والاجهر تعرف مقدارة ومنزاله ياديرتي عز راسي يامفالينا = يامبع \ديار قوم تحتمي القاله دار حموها جدودي عالقة فينا= ومن ما حشم ديرتة منشف فنجاله لاصكو الربع بالمجلاس يغنينا = سلمن معقبة عود لاخر عياله هذا وانا ماعلي من المقفينا = لكن لزمت بالرد وسعيناله يا ليتك بخير ياعوجان مطرينا = حدرتلك في قصيد تكذب اقواله مع اجمل تحية لكم جميعاً

اقتباس من مشاركة ابو عوجه نعم نعم الاربعاء فرصة الناس المجانينا=من العجاله بعضهم يترك انعاله من يوم الاثنين للخط متواصينا=كلن على موتره ويسابق ضلاله والا العوج مخزي ٍ كل الشياطينا=مبسوط ومريح ومستانس وداله لكن الاجهر يكيل الصاع صاعينا=اينفض ايدينه مع الخليان والحاله ويقول قربت لديار الكريمينا=يازين واد الرمه والضرب وجباله وهو متحسف لكن ماهو مصافينا=يازين شكله لاجنا مصاغي اعقاله ههههه يقلد الناس ولايبغى يخاوينا=واخاف بكره علينا يكثر خباله ويزعل الياحل بين الناس طارينا=ياقف على كل جرف ٍ فيه مهياله والضعف والكذب يالاجهر ماهو فينا=وعن كل ماقلت الاعوج تكرم اسباله واللي نظم لك بيوتك لايجارينا=يطيح في ليل ٍ اسود غايب هلاله على بحور الشعر ترسي مؤانينا=والبحر لاهاج من ياقف على جاله ونشيل ماتشيله ظهور البعارينا=مايهمنا خفافه ولايهمنا ثقاله لكن عود على دار المحبينا=البعد فرقاء الحبايب يقطع وصاله العام منته مع الناس البسيطينا=قوم ٍ تخلي عروق القلب شلاله ابراي لله ماذكرو رديينا=كل ٍ يكيل الوفاء والطيب مكياله الله يعزك وهم ناس ٍ عزيزينا=وعويج يفهم بمظهار ومدخاله واخر كلامي نصيحه لاتقاوينا=وعلم خويك حمل غيره لايشتاله

الله الله على هذا الصدى والأصوات هههههه


على بحور الشعر ترسي مؤانينا=والبحر لاهاج من ياقف على جاله
ونشيل ماتشيله ظهور البعارينا=مايهمنا خفافه ولايهمنا ثقاله


بيض الله وجيهكم