فكري سرى طير عيوني من النوم = ساري لخلا(ن) مبعدته المقادير
غـلاه في قـلبي مثـبــت ومخـتـوم = وشكله مصور داخل الفكر تصوير
مرحوم يا فكر(ن) تصوره مــرحــوم = يسري على شانه ويقطع مشـاوير
أن جيت أنا بنصح حبيبي وابلوم = يقول أنا صـافي وهـو منه تـقـصـير
وان جيت ابشكيله وأفسر له هموم = يصـد عــنــي مايبي أي تـفـسـيـر
ملـزوم أنا أنساه ملـزوم مــلــزوم = لأني نـصحت وما لقيت أي تغــيــير
يا لفكر حبه أصبح اليوم مــعــدوم = ما عاد له في خافقي أي تــقــديـر
أرجوك يا فكري تريح من الــيـوم = ولا عاد تشكي من فــراقه ولا تسير
يا فكري اصبر لين يأتيك مــقسـوم = وخلاص لا تسري وتصبح على خير
الشاعر/ سعود عبدالله القلادي