ياضيقة الصدر وش باقي على بكره=ياطولها ساعتين وطول غربالي
الليل كله وانا فكر وراء فكره=ومن دلة الهم ما هزيت فنجالي
ماكنت اظن الحبيب اليا عشق يكره=الين جربت فرقا الي شغل بالي
اثر الجفا موت مثل الموت له سكره=يالله لاتقطع الغالي من الغالي
من يوم قفا وانا للموت ابفتكره=والله ليبطي بقلبي منزله خالي
الطير لامن غدا ما عاض به وكره=يقضي وفعله مع المد يروالي
لاصار فعل وغلا بالقلب محتكره=في ضيقته يااخذ الاول مع التالي
كد قالوا الطير يا وفيه ويا نكره=واقول ناكره العشربروا حالي
ارجع لموضوعنا السابق على فكره=ماني بانا الي مفارق بس بلحالي
البعد سم البشر ماني مبتكره=عزي لمن جرب الفرقا وعزالي
هذا الجفا موت مثل الموت له سكره=الله لاتقطع الغالي من الغالي