تعـال خـذ منـي هدايـاك =وباقي الصور واغلى المكاتيب
ماعـاد تنفعـنـي بلـيّـاك=وجودهـن عنـدي تعـذّيـب
يكفينـي اتسلـى بـذكـراك=دامك نويت اتصـدّ واتغيـب
واوعدك طول العمر مانساك=حتى ولـو حطمنـي الشيـب
ما ينّكـر طيبـك وحسنـاك=وان اجازي الطيـب بالطيـب
لـولاك مـا حبيـت لـولاك=ولا عشت في دنيا المحابيـب
شفت الهوى والطيب وايـاك=باحساس واقـوال وأساليـب
الله يسمّـح لـك نـوايـاك=ويحفظك عن كـل العذاريـب
اوادعـك وأتأمـل ارضـاك=ماحد حبيبـي يعلـم الغيـب
وان مت اذكرنـي بدعـواك=وشوف الصور واقرا المكاتيب