قسورة الغاب + صياف
القسوره
ياصياف ماشفتك مع اهل البعارين = وانا خابرك جمال مانته بشاوي
قرينا وشفنا بالصحافه عناوين = ولا ادري لو ان اسمك مع اهل العزاوي
صياف
انا الذود عقلته قبل عشرة السنين = على شان هاك العشبه ام الدعاوي
لقا حلها الابرق ومن قبله اثنين = وأنا صعبه ادور ولاني فداوي
القسوره
مابين الاحجه خل نجم الجدي زين = لا تغديك فالطرقه كثير الملاوي
علي باب سوق عكاظ حراس صاحين = مايمشي معاهم غير مثل العطاوي
صياف
لك الله نصيته من قبل عام اللفين = طريقاّ يوقف عند قبر الخلاوي
لو الحكم سن بالسن والعين بالعين = ماحصلت قبلي نجم لاعب وهاوي
القسوره
ياصياف لا استوفيت كل القوانين = لا يثر عليك الا بعيد الهقاوي
يقوولوون ابوو عقالين بين المسمين = وانا اقوول عوونك ياعيوون الشقاوي هههه
صياف
أنا وفيت كاش ولابقى غير هالدين = ماتوفيه غير ارقاب عسر المناوي
لاونك قريت اسمه مع اسما القليلن = يبا يسمع بكل المراقيب عاوي
القسوره
ياصياف وش قصدك ورايح علي وين = نبي نتبعك بس انت وين انت ناوي
لقينا هديب الشام وارد علي العين = وشفنا البدايه والنهايه حكاوي
صيااف
انا وجهتي قبله بصف المصلين = لاشفت الجماعه لاتصلي نحاوي
خذ العلم من صياف لو طالت السنين = ماسددت دين ولاتكف الشكاوي
القسوره
عرفناك ياسارق غنمنا مع الضين = وحنا نحسب انك قريب الحراوي ههههههه
انا ماعلي خلاف وانتم عزيزين = ولو ماعرفت اني طبيبٍ مداوي
----------------------------------------------------------------------------------
البيطار + محمد الأدجم
البيطار
يا صياف يامروى الكبود المعاطيش=بشعرك تضد الي يكثر وشيشه
انا بنشدك من قايد الخيل والجيش=ابى آخذ منه تصريح وادخل بجيشه
محمد الادجم
بالنيابه عن اللي خذوه المغابيش=ابرسل وترسل عبر هاك الدريشه هههههه
وانا بنشدك عن سالفة طارش ابريش=جاوبني وتاخذ تذكره يم بيشه هههههه
البيطار
هلا يامحمد جعلك ابخير وتعيش=وهاك الجمل حشر قعود ابحويشه هههههههه
ياالأدجم مانعرف سالفتكم على ويش=وبيشه الك ما ابغى بها ايي عيشه هههههه
محمد الادجم
المهلي هلابه عد رفرف الريش=ولا يا جمل مشيك توخر وليشه ههههههههه
سالفتنا قديمه جديده وفريش=وهذي لحونك لا تغني دفيشه هههههههه
البيطار
لا والله ياتوه شوش الجو تشويش=هاك الحر حصلنا بداله كديشه
الا يا خساره وين هاك المداغيش=هل العرف ما جابو علومً غشيشه
محمد الادجم
نعرف الخواجه ثم حمر الطرابيش=وانا ما ظلمة الزاد مملوح عيشه هههههه
طنطاوي فتاويه تذم البغاشيش=وانت تجهل الفتوه سوات الطريشه هههههه
البيطار
ماتَعرف ياغير الي تقوله من الطيش=عسى الله يقنعك ابركتهم يابو ريشه
علام القنابل مرت ابنقطة التفتيش=ولا شفتها والجمس ما دركت تفتيشه
محمد الادجم
الا يا عميلي فبركة طاش بالتطويش=وهذا جواب الجيش من غير تحشيشه
ثلاثية ابعاد وتحدك على التطنيش=ماذم الحزبّ لكن صعيبه تبا تنيشه ههههه
----------------------------------------------------------------------------------
صياف + كنترول القاف
صياف
ياكنترول القاف مافيه تعليق = الصدق مثل الضلع ثابت مكانه
لاوان تال الوقت تطبيل تصفيق = من شان يكسب باخرتها حصانه ههههه
الكنترول
صياف لا يصبح سوات المطافيق=اعرف نوايا الكذب والصدق عانه
البارحه شاللي حداكم على الضيق=يوم ان راع السرج عنا حصانه
صياف
هاك السحاب الي تردم على طويق = ارضه قفر والوسم راحت ثمانه
الطير من رجمه شلع يابس الريق = وياخوفي ان السيل جاك بوزانه
الكنترول
لا تضلم العربان وانته لها رفيق=شلوطة راس العود من غير اذانه
اشوفك البارح على الريس تويق=يا فليت بن قنه واحط لك خانه
صياف
العود عيا يعترف بالمواثيق = والظاهر انه لاقي ان بك لايانه
قدام لانسوي لك اليوم تحقيق = ترى ابن عادي حفزك للخيانه
الكنترول
انته سوات العود يا بو مسيحيق=وهزلتك هذي ماعتبرها سمانه
قدام لا تحقق ابصفعك وتفيق=يالجاهل اللي تحسب انها ميانه
صياف
ياطير مانت بطير وكر ومسابيق = اكفخ مدام الريش في عنفوانه
قدمت لك فنجال الكرام ماسييق = واثرك ماتعرف الكرم والاهانه
الكنترول
صياف ماله عندي مشرب ولا رقيق=ان كان غنا لاحي وليل دانه
يا محثل الفجنال عند المطاليق=اتسوق فنجالك علينا لعانه
صياف
لاوالله الى حدك الله على الضيق = هرج الرجال الصادقه في بيانه
نيتك قشرا وعلتك بالمعاليق = وصياف باقي لو تغير زمانه
الكنترول
لا والله الا جاتك المع من بريق=البارحه قطيتها جمبخانه
يا فاتح ٍ فمك جماهك شهاميق=واللي بقلبه نقزه من لسانه
صياف
اثرك في نحر السهوم المزاريق = كشفت نفسك وانت تحت البطانه
الدايم الله والفنا للمخاليق = كيف اعترف مانيش بالخيزرانه
----------------------------------------------------------------------------------
عبدالباري عبدالعزيز + ناصر خنيفر
ابو عقالين
يالعود يالعود ألك مده عن الديره=اوضاعها عقب رحت ابروق واخيالي
جتنا بنات الهوا طفاح ومغيره=وازريت اعبر واقول اللي على بالي ههههه
العمده
مشغول جعل النهايه خيرن وخيره= وهاذي ضروف الدهر بقفاي وقبالي
وبنات حوى مثل روضن ونويره= خل اشبكة عبس تجمع كل الاشكالي
ابو عقالين
العود لاكبر ماتكثر مشاويره=اثرك توك شباب وتطو الاميالي
باكر تجي معك تلعب بنت ٍ اصغيره=انته على نيتك والزين محتالي هههههه
العمده
ماحدن بمرتاح لاشايب ولاغيره= دام القوايم سليمه نهذل اهذالي
والبنت بسلومنا نعمل لتقديره= وابنت الرجاجيل تعرف وش طرى بالي
ابو عقالين
انا اعرف انك حشيم وطيب السيره=تراك بالحيل عندي طيب وغالي
بسلومنا ما لعب ناصر مع امنيره=ألا انه ايدس لعبه بالخلا الخالي هههههههه
العمده
ونته كذلك ماشفنا من تقصيره= وافي ولك في سويداء القلب منزالي
مافات خله بتكسيره وتجبيره = وعلم الخوافي يعلمه ربي العالي
ابو عقالين
راع القنص متعب ٍ حاله ورا طيره=لكن عوضنا على معبودنا الوالي
خوفي من المقبله ياطيب الجيره=تتعب عيونك على تطريد الازوالي ههههههه
----------------------------------------------------------------------------------
وتمت نخبة النخبه بعون الله تعالى واليكم مشاهدينا الاحبااء المشاهده والاستمتاع والتعلم من هؤلاء الشعراء الكبار بالشبكة العنكبوتيه (( قلعة المجد والتاريخ ))
ارجوا المعذره من الجميع على التقصير فهناك اشخاص ابدعوا ولكن لا يكلف المرء الا بقدر المستطاع
ولكم جزيل الشكر والعرفان اخوتي واحبتي فالله
واتمنا ان تنال هذه النخبه على ارضااء الجميع
اخوكم ومحبكم فالله / نــســاااف