الذئب سرحان وابووو موووسي
الذئب سرحان
ياصحابنا الغالين يافلان وفلان= يالربع يازوارنا يالقرابه
بين ابو موسى والشهب الذيب سرحان= غني طرب ولا حزن ياربابه
ابو موسى;
يا اصحابنا الغالين يا طوال الايمان= سنة نبي الله ونهج الصحابه
بيني وبينك حبر سري وبيبان=والطيب حتى اليوم مفتوح بابه
الذئب سرحان
من لايجازي راع الاحسان بحسان= عنده مفاهيم الاوادم تشابه
هاك الخبر هلحين من عقل وايمان= يجوز يوجد واحدن مادرابه
ابو موسى;
انته ولد ما نحسبك كاينن كان =غيابك يشابه غياب السحابه
لا لاح براق الحيا جوف الامزان =الغصن جاه الداب ثم التوابه
الذئب سرحان
دربن ضربته ووله ضلع ورقان= لاشافه الطرقي تلمس زهابه
اصبر عليه وراعي الصبر ربحان= من لاصبر ماذاق لذة شبابه
ابو موسى
وانا بعيد اشوفها شوف الاعيان= وادعي عليك ودعوتي مستجابه
اربع سنين اعامل اشكال والوان =شرك وخيرك يا جناح الذبابه
الذيب سرحان
لو ايتعرض باخرة نوح طوفان = ترسي بحفض الله بمان ورحابه
ونكان حضي معك حظ ابن برمان = ماجابه الريح الشمالي غدابه
ابو موسى;
احيان ابرق فيك واحيان واحيان ===== اقول لابه وقفت دون لابه
ماهي غريبه وانت بالخير مليان ===== احرمت ابو موسى عشاه وشرابه
----------------------------------------------------------------------------------
ابوو عووجه & وشاعر الشمل
ابو عوجه;
نعم نعم
دورولي على الاحرش لعين الكديد=صحبة العام ملعون الثوى خانها
ودي انصح وانبه عن مخاوى العبيد=تفقد الوعي لا زارت بزيرانها
شاعر الشمل;
مايجوز اللعان وخص لابنا رشيد=كلمة الحق تعط الناس برهانها
لكن العلم هذا انا اشهد انه وكيد=صحبة العبد تدري شأنك وشانها
ابو عوجه
نعم نعم
انت وش دخلك من بين زيد وعبيد=الرساله عليه رقم عنوانها
شملك اللي تلمه ضاع برض الصعيد=مير رح للقبور وخلك وزانها
شاعر الشمل;
ليه ماادخل وانا عمك ورأيي سديد=الرعيه ماتضوي دون رعيانها
هذي ارض الفخر عز الفلاح المجيد=مايخلخل خشاش الارض سيسانها
=ابو عوجه;
نعم نعم
لاتعاند ترى عويجان راسه عنيد=الرعيه يحوف الذيب مرحانها
صيف الناس في لبنان وانت السويد=تحسبن السويد يعيش فقرانها
=شاعر الشمل;
ممكن انك تريد وربنا مايريد= كل شاة(ن) معلقة(ن) بكرعانها
انت قانص ولادري كيف تبغى تصيد=والرجاجيل ماتطري على اذهانها
ابو عوجه;
نعم نعم
انت عبد ِ وربي يامره بشديد=مير لاتقرب امن النار ولسانها
والله انك امن الصيدات هل من مزيد=جمع الناس في كابول وفغانها
شاعر الشمل;
جبت مخزون قاموسك ولابه جديد=طبق خيل(ن) تلوا القشع بارسانها
مانعرف البليد ألا بعذر البليد=كرم الله سموع (ن) ربها صانها
------------------------------------------------------------------------------------
كنترول القاف + خاتم سليمان
كنترول القاف
ابن داموك شفت الناس هبو بزوله=يحسبون المشاعر كل شاعر وجدها
جنة الظاهريه عرضها ضر طوله=لو يخيل المخيله برقها مع رعدها
خاتم سليمان
إبن داموك خلّه وإنتبه للحموله=قبل عجز البدو تصرخ بعزوة ولدها
لا تطقطق بباب ٍ ما أنت قادر دخوله=أهل البيت تعرف وش يدينك ويدها
كنترول القاف
يا جمل يوم شلت الحمل جبت الميوله=حجتي وعتمدها وابو ِ موسى سندها
يا عميل ن تعرف العرف منته بحوله=البيوت اربعه واطرح ثنين بعددها
خاتم سليمان
حسبي الله على راع الذلول وذلوله=يحسب إنّه عقد له عقدة ٍ ماعقدها
ياعميل ٍ ماتعرف ويش حق العموله=ماتقوم البيوت إلا بقومة عمدها
كنترول القاف
والله انه هجاد القوم صوله وجوله=وحمده كان قوم اليوم محد ن هجدها
فيك عله وخله مير جتك السيوله=والسيوله عليك اليوم كل ن فردها
خاتم سليمان
مانصدّق لسان اللي نكذّب فعوله=مثل وصف الرديّه لا تردّى جهدها
فيك جرح ٍ مايبريه الزمان بسهوله=لاتهاون مع أهل الحرب تدخل لحدها
كنترول القاف
خابر ن عام الاول يوم دنت طبوله=كنترول الرشيدي والكحيله لهدها
حارس الملعبه لصار قولي بقوله=ظنتي ما يعود الملعبه من فهدها
خاتم سليمان
أنت ويش أنت من ربع الشرف والحموله=يارشيدي ماكل الناس تلقى سعدها
العدود امحجوزه والجمال امعقوله=وأهل الحسد يقفي نصرها من حسدها
كنترول القاف
اخر اسمي كفايه لو يجي ربع توله=اخذها سبكة ن مع حبكة ن تستندها
يا بن داموك علم الحق محد ن يقوله=اذكر الله وخل الناس تسكن بلدها
خاتم سليمان
أثر مالك مابين اهل الدول عزّ دوله=والجماعه عرفنا ذيبها من أسدها
أعرف الحق في نفسي وأطقّه وأقووله=بسّ حقك بنفسك مرّ وأمرّ وأدهى
----------------------------------------------------------------------------------
الكابتن & وصيـــاف
الكابتن
الليله المعنى على سلك شعره ماهو حرير= نبا نعقد ونفتل المعنى على سلك شعره
المشكله ماهي سواليف الفرزدق والجرير= طارق عزيز بمشكلتهم مد زقمه وحشره
صياف
الليلة الليلة عسى المكتوب طيب وفال خير = شفت البحر بالعين تبغى تعوم والاتعبره
مالك وماله سالفتهم كدوصل عنهاالنذير = يالي كسرة العظم قبل ايعيب عجل واجبره
الكابتن
على البعير ابو ثلاث خفوف وان قلت البعير=خلك معي ترى الزهاب من العصر فوق اظهره
ياصاحبي صياف جيت وما فقدنا الا السفير=ياشينها وان جت علوم القوم حسب السمسره
صياف
هذاك عيا لايشيل الحمل من بعد الهدير = قام يتهرش والحشو جت في يمينه وايسره
القوم هذي سالفتهم وانت رجال خبير = والوضع اشوف قام يتطور ويزتاد اخطره
الكابتن
احدن يبا الجنه ولكنه يروح لزمهرير=اما عمل يمناه والا انه نصيبه دبره
شف شاعر السحمان ميت ومتولجه الامير =من كبر حظه من بعد موته لقاء من يذكره ههههه
صياف
من طاح في ايدين الثلاثي ماتحرى للعصيّر = من مات منهم مات والناجي على الوجه اغبره
الكبتن اعيونه سما والطايره عيت تطير = الظاهر الليلة يبا الكبتن يروح بشفره
الكابتن
قدام تكبر هقوتك باالزاد ما تصبح خشير=صرتوا ثلاثه واربعه ولا ثلاثه وعشره
الكبتن يسولف معك مرتاح باله والضمير =وإذا زعل صياف غيرنا المسمى منقره
صياف
العلم واحد ونتهى وشبك تلف وتستدير = مباقي الى نبعجه ونجيب قلبه وسحره
الضاهر انك جيت يالكبتن مع الساقه تغير = ماقدمك الى حوش سجن الي خلافه مقبرة
صياف
ياكثر منهو يحسب إنه كاسب القسم الكبير=يضحك ليا سلم إنحره والموت الأحمر بظهره
أنا غناوي والغناوي مايزعله الفقير=إن جابها مدت عسر قلت النظر باالميسره
صياف
انا على كل الدروب السود وصيت الخفير = من مر من حوله يكتف لي يديه ويخفره
جعلك بخير الله يزودك وانت الك مال(ن) كثير = لكن ترى بالحال هذي كل مالك تخسره
الكابتن
أنته توصي مير أنا في غرفة الهانم سهير=وأنته تحرى العلم من قول الخفير وحرَره
شارك مع المعنى عساك تفوز باالسيف الشطير=وكان السناني خاطبك في شطر واحد دوره
صياف
ارفع علومك للمنابر لاتوطي ياصغير = تراى أنا مشره عليك العلم يم القسورة
أنا ماني محتاج لتدريب الي عقل(ن) بصير = الشعر لاجفت بحور القوم فيضت ابحره
الكابتن
ما شح غير العرف عندك ولا أنا مدي كبير=وإن قل علمك لا تذم الناس والرب إشكره
هذاحسب ظنك لكن العلم يا صياف غير=تفاحة آدم ظيعت بصره وسبه لسفره
صياف
ماشح عرفك مير حديتك على الدرب القصير = وحولتها تحويلت (ن) قشرا ولافيها ثمرة
من غلطت التعليم عياء الطالب يخاف المدير = ليتك لحقت اسنين يوم الحاجتين بمسطره
الكابتن
الأندلس ما تذكرألا طارق وموسى نصير=هذي حقيقه ما علينا من علوم الثرثره
إن عودت للجد حظك صقر ما يقدر يطير=إن طار حولك وإن وكر وقع على راس شجره
صياف
الأندلس هلحين فيها صوت طار ودق زير = فيها الكبار مصغره فيها الصغار مكبره
ان عودت للجد علمك غير والمظمون غير = راجع ضميرك والكلام الي كذا لاتظهره
الكابتن
تصدق وزيدك علم حتى البدو ما تعرف المضير=والبدو قبل سنين راحت في يديها تعصره
تبيني أقول الك شيخ القوم ولسانك خطير = وأضحك على لحيتك وأسوي عليها زمجره
صياف
البدو تبقى بدو تسكن في قصر والا حصير = وانته تزري والتزري ماجهلنا بخبره
اضحك على لحيت ضعيف العقل قله ياعوير = يمكن يصدق وانت لامنك ضحكت اله اشعره