[بعيد الهقاوي]

اقتباس من مشاركة المعزب ارقد تحت ضو القمر زين الاوصاف=ضلما الهجاد معزبك لاسريته يرقالها في ليلها راس مشراف=وذيب الغداري لاقنبلي رميته مابين ياوضاح حايف وحواف=وقتاً بعصرك ياخو مزنه قضيته نوباً على السكه ونوباً بالكتاف=ونوباً يصحي صاحبه من مبيته تكفى ياخو مزنه لاجيت ابو نواف=قله ترى سبع الخلا مانسيته هذاك عندك ساكنن حول الاسياف=وهذاك عندي خابره لو بغيته اللي يصوغون المعاني على القاف=شروك ياللي تحبكه لابديته

يالربع والله انكم شعار جزلين لكن اعذروني عن التحيز رد المعزب غير الله على عذوبة الابيات وسلاستها وذكرتني بقصيده غزليه لمساعد ربيع على نفس القافيه تقريبا والوزن منها اللي يقول

اثر النجوم اكثر من الجدي وسهيل = نجم كتب همي ونجم محيته

ياصاحبي عطشان بالحيل بالحيل = مضمي وهمال السهر ماقويته

رد السلام لمترفات المناديل = كحل العيون ودمعك اللي نسيته

الدرب ميت والخطاوي مقاتيل = وان لاح طيفك مت فيه وحييته

الى قوله

ضم الحشا واكسر جمود التفاصيل = ماعندي اغلى من خفوق ن كويته

لمصافحك كف وقصيد ومراسيل = امازبنك القلب ولاخذيته

لوتغري القمرا ذبول القناديل = بعت النهار لجيتك واشتريته