لا ضاق صدري اقصد الرجم وارقاه
واناطح الغربي ليامن رقيته
ابيه يجلي هم صدرً تمثناه
والا يخفف بالهوى ما عنيته
هذآك حالي من بعد يوم فرقاه
حالي تردى ليتني ما هويته
ممسي وطيف داخل القلب ممساه
واصبحت ادور له معي ما لقيته
اثره سرآ وانا اعرف ويش سرآه
يحسبني اني في بعادي نسيته
نذرً علي لو طول الوقت منساه
لو طال مدت غيبتي ما جفيته
والله يصبّر من زمانه تحداه
ويرد له غاليه ويزور بيته
سوره ضلوع الصدر والقلب مبناه
حوشه وساع الصدر والحب ليته
والله يسامحني ويغفر خطاياه
كانه يظن اني سليت ومحيته