بحكي لكم قصه عن انسان مسكين=ربا يتيـم وكـان رابـع خواتـه
ابوه مات ولا ترك لأمهـم شيـن=ما غير رحمة ربهم فـي وصاتـه
وعاشوا على شغل أمهم بالفساتين=وياحسين ود الثوب يا حسين هاته
باول حياته جرب الشين والشيـن=هو فيه زيـن يجربـه فـي حياتـه
إن راح يلعب ...عيـروه الوراعيـن=واذا رجع للبيت مو مـن حلاتـه
يسمع كلام امه عن الفقـر والديـن=ويضيق فيه الكون باربـع جهاتـه
يعني بنت مستقبلـه دمعـة العيـن=ما عاد تفرق عن حياتـه مماتـه
كبر وصار اكبر حرامي دكاكيـن=يسمـع بفقـر الذيـب والا غناتـه
لين كفشوه وصارله اربـع سنين=يدعي لرب البيت بآخـر صلاتـه
يارب تشملنـي بعفـو المساجيـن=وتفرج عن اللي يرتجنّـه خواتـه