لبييييييييه .. يالبيييييييييه .. لبيييييييييييه .. لبييييييييه
لبييييييييييه يا صوتٍ دعاني و جيته
جيته على فالي و لا قلت له ليه
لو يطلب عيوني .. بكيفي .. عطيته
جيته ألبي له و انا ميتٍ فيه
من زود حبه .. درب شوكه مشيته
جيته و عندي للهوى ألف تنويه
الحب هذا يا هوى ما نويته
جيته و انا ضامي و عدي مواريه
ما بين عرقين الحنايا لقيته
جيته أحث إخطاي من دون توجيه
لكن شعوري متجه يم بيته
كذا كذا .. ماشي و يّدي بيّديه
ما هو حقيقه مير شيٍ رجيته
يا كبر فرحة خافقي يوم اناديه
و يرد لي حسٍ ابد ما رويته
اقول .. احبك .. ثم احبك .. و انا ابيه
يدري بأنه غايتي من هويته
ما دامني عايش و لي نفس توحيه
ل ابقى على حبه و غيره نسيته