[حرف]

مشكله لاصرت مـن تهـواه مغـرور وعنـيد
لـو تحـاول تقنــعـه والله صعــبٍ تقنعه !!..

دايـمٍ متغطـرسٍ منّغــــر واحساسـه بليـد
وإن بغى يفتـن يحـرك للمصايـب زوبعـه !!..

فنان في طرق الهوى دكـتور في قطع الوريـد
خبير في رسم الخدع حريـف لبـس الاقنعـه !!..

ماتعجبه الّحان رابح صقر والاطـرش فريـد
كـل الاغانـي مايبيهـا لـو تجيـه منوعـه !!..

ماينبسط الا علـى نوحـي ونغمـات النهيـد
يرقص على لحن الحنين وفيه يطرب مسمعـه !!..

دايم يعاندني ولا ادري من عناده ويش يريـد
كـل يوم يمـر انـا ويـاه حـده واقرعـه !!..

ان قلت له هذا قديم يقـول لـي هـذا جديـــد
وان قلت له هذا شمــاغ يقـول هـاذي قبعـه !!..

وان قلت له هذا ذهب يقول لـي هـذا حديـد
وان قلت ذا راس الضبي يقول هاذي اصبعـه !!..

كـل مـا زود عنـاده حبــه بقلبـي يـزيـد
بس مادري ويش اسوي له على شان اردعه !!..

قلـت انـا بهـدده بفراقنـا وابقـى بعـيـــد
يمكن اني من ورى التهديـد احصـل منفعـه !!..

قال قبل انـك تهددنـي تـرى فرقـاك عــيـد
كم شجيع قد نـوى قبلـك وضيـع مرجعـه !!..

قلت انا بشب نـاري يمكـن يـذوب الجليـد
بقـدح زنـادن وبالقـوه بحطـه وارفـعـه !!..

قـال ريّـح لا تشـب النـار وتزيـد وتعيـد
خلك على حبل الرجى من قبل لا اقوم اقطعـه !!..

واصبحت انا محتار بين القلب والعقل الرشيد
عقلي يقـول انسـاه ولاّ القلـب ردد اتبعـه !!..

والنهايه يوم صار الفكر مـن عقلـي شريـد
والقلب دمي فـي عروقـي حالـفٍ مايدفعـه !!..

طاوعت انا قلبي وصرت امشي معه مثل العبيد
وانا اشهد انه طوعني وانا عجـزت اطوّعـه !!..