سلام مني عد ماهبت النود
عد المزون لممطره من رعدها
على حفل شيخٍ به اشوخ وفهود
قبايل ماينحصي وش عددها
بلعضو جابر ياخذ الأمر مأكود
أمر المليك وشورته يعتمدها
فيه الكرم والعدل والطيب ماجود
سم على كبد المعادي لهدها
يشهدله التاريخ مادور شهود
معروف طيبه من صفاته وجدها
لوخلقت الدنيا على راس عبرود
أفعالنا تحصد وحنا نحصدها
مهامزه لحرك أزناد بارود
كم واحد وقفاتنا ماجحدها
وشيوخنا وافين عن كل منقود
يوم المعادي ديرته ماوردها
خضران وهديبان والفعل ماكود
تاريخهم يطوي السنين بعددها
والحمدلله صارت اسهود ومهود
فضايل الحكام كل(ن) حمدها
وتعيش يابلادي ولا يهان بك عود
مادام عبدلله ملك هو عمدها
حنا حماة الدار والرب معبود
وعبادة الأصنام محدن عبدها
الشاعر\نافع شعبان الوافي