بين الآماني/والأمل/حلمها ضاع
قفّت سنْينه/وامنيتها/توفّت
طفله وجرعها/الزمن كل الاوجاع
شمعه /بدرب العشق ولعت/وطفّت
شريفةً مادنّعت صوب الادناع
عفيفةً عن درب الانذال عفّت
على الآمل عاشت بصيفٍ ومرَباع
واشتالها حظ الشقا لين قفّت
كانت على ذاك الأمل ترسم إبداع
في ضحكةً من زينها ماتخفّت
تلعب على حبل الرجاوي وتنصاع
وعيونها يْم المقابيل رفّت
تحَسْب مسافات الغلا فوق الاصباع
واليوم دمعتها على الخد جفّت
تحْب ابن عمٍ على الطيب رماّع
دايم بذَكره فالوجود استشفّت
حب البراءه بينهم خُمس وأرباع
متقاسمينه ليْن الايام لفّت
هذا القَدر! طاعت لحكمه ولا طاع
وضفّت من الآحزان ماكان ضفّت
واسترسلت بالحزن لا حَدْ الإشباع
وظروفها بالْهَم وفّت وكفّت
وطاحت/وطاح الحلْم والقلب فزّاع
تصرخ ألم لو لأقرب الناس خفّت
معشوقها /مات! وعن الكون ودّاع
والبنت حيه والمشاعر توفّت