[مرزوق العجوني]

بسم الله الرحمن الرحيم

اخواني اعضاء ومشرفي هذا المنتدى اضع بين يديكم هذه القصيده اللتي ارجوا ان تنال على رضاكم وتقديركم...

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الجادل اللي اختفت عني وأنا بيها= وش علمها ياعرب تكفون وش جاها
وش سبه غيابها عن شخص مغليها= قام يتوجد عليها عقب فرقاها
لا حاول يسج عنها جاه طاريها= مافيه امل يلتهي عنها وينساها
تامر على القلب بالسرعه يلبيها= مالوم أنا القلب لو عجل ولباها
رعبوبه بالحسن ربي محليها= وكل الوصوف الجميله من مزاياها
رعبوبه عزها من عز واليها= الله يستر عليها ويحفظ اخطاها
لا سولفت بالحكي محلى حكاويها= ودك تسمع وتجلس دوم وياها
سوالف الليل مدري وش اسميها= وسوالف الصبح تحلى من شفاياها
كلي فدى عيونها كلي فداويها= لو تطلب العمر جعله من فداياها
لكن تعود وترحم حال هاويها= اللي نسى كل هالعربان واغلاها[/POEM]

الموضوع الأصلي: الجادل........ | | الكاتب: مرزوق العجوني | | المصدر: شبكة بني عبس