ياليل لـو ماثمنـت روحـي جمايلـك وعطـاك=ماكان من بـدري تقاسمنـا البسـاط الاحمـدي
ياليل يوم ابدي عليك اسرار قلبـي مـن غـلاك=لاتنتحـي عنـي وتتركنـي للامـر بمـفـردي
انت الوحيد اللـي لـه الحـق يتمتـع بأنتهـاك=ماطاب له من زاكي آلامي .. ومن فيض جهـدي
معك اقتل شعور الخجل .. واغتال عمر الارتبـاك=واجرّ صوتي لين احـرر كـل قيـد ٍ فـي يـدي
الله عطاني مـن مفاتيـح الكلـم .. والله عطـاك=رحابة ٍ تمـلا مقـام سهيـل فـي عيـن الجـدي
على جبينك كـل ليلـه ودّي افـض اشتبـاك=جوارح ٍ بالوجد تمشـي بـي .. وبالهـم تعـدي
مالي ملاذ امرر اوجاعـي علـى متنـه سـواك=وانت اجودي .. لكن ضيق النفس ماهوب اجودي
يضفي علي من العنـا مايملـك الحـال امتـلاك=في حينها بـدءاً بروحـي .. وانتهـاءً بجسـدي
اصبحت مابين التعب والضيق كنـي غصـن راك=اقلّ شي يبيّـن اوراقـي .. ويخلـف مقصـدي
لله ياقلب ٍ كثر ما اعطيت مـن صـدق اعتـراك=جرح تهادى بك على درب الغيـاب السرمـدي
في ظل عاتية الرياح .. الصبـر مايقـوى الحـراك=والعين عيّـا دمعهـا للحـزن الامثـل يهتـدي
مافيـه شـي ٍ يجعـل الانسـان عرضـه للهلاك=الا الشجاع ليا استطاع ..وخانه الحـظ الـردي