شميت ريحة عطرها يوم جتني
طفلة صغيرة والعطر منها فاح
طفلة ولكن قرّبت وجرحتني
جتني ترتب ما بقالي من جراح
طفلة وقالت دمعتك روعتني
قلت اسمحيلي مابقالي من أفراح
طفلة وألا يا ليت ما قابلتني
ولا ذكرتني بصاحبن لي قد راح
نيران في وسط الحشا أحرقتني
والقلب من فرقى الحبايب له صياح
عشرة عمر من بعدها فارقتني
راحت وأشوف الحظ من بعدها طاح
غصبن عليها ولاّ هي ماكرهتني
البعد لأفراح المحبين ذباح
اذكر زمانن فيه ياما وعدتني
كلي حلالك ريّح البال وارتاح
واليوم عشر شهور ما كلمتني
بصبر ولو القلب في داخلي صاح