لاتهقويني على المسفـار ودروب النحـاوي
مع مشاويـر الظـلام ولاتوصينـي وصيـه
كان حلم الليل يغريه الصباح بعـود جـاوي
مع عصافير الربوع وصوت لعب وسامريـه
وصار لا ليل وله معنـا ولا حـروة حـراوي
والربو ع اللي تقول السبت مابـه مرحميـه
مايسليني نغم ذكـرا ولاصـوت الحسـا وي
ولاتعودت انهـي الضيقـه بـدن الهاشميـه
مثل حلم ابليس بالجنه وهـو كلـه مسـاوي
وذنب مالك ذنب والذمه مـن الذمـه بريـه
وان حكيت وقلت ماعندك من انواع الحكاوي
لا مك العقيل واظعـاف العقـول العربجيـه
واخر علاج الكوي وان قلت ياكثر الكـواوي
في سلوم البدو محسوبه عليك اكبـر خطيـه
شكوتـي للواحـد العـلام حـلال الشكـاوي
عالم ما حاك فـي نفسـك ومافيهـم وفيـه
انعزالك عن محبينك مـرض مالـه مـداوي
والخساره لا خسرت الناس والديـره خليـه
والغريب ان شفت من يبصر ويقتاده عماوي
وليس الاعمى كالبصير ولكن الخيـره خفيـه
مانصدق غير بالمسلـم وبـه تسعيـن راوي
والبخاري بالصحيح اللي روى سيـره نبيـه
ماصحيح الا الصحيح وياكثر كذب الفتـاوي
بس صلى الله علي المبعوث رحمـه للبريـه