من عرفتك ياصدق الود وانا منقسم
عايش مابين قلبي وعقلي في صراع
قلبي افراحه بشوفك ووجهي يبتسم
بس عقلي رايه الحب لي للذراع
والوضع لازال سيء وفي طور الحسم
الله اعلم ويش بيصير من بعد النزاع
بس تدري دام حبك على قلبي وسم
قلبي الصايب وعقلي بها الموضوع ضاع
مستعد اسرب محبتك لو بتكون سم
كيف وانت ان اظلم الوقت تبقى لي شعاع
جاريٍ حبك مع الدم بعروق الجسم
بس احاول كتم حبك بقدر المستطاع
والله انك سبة الجرح واقسم لك قسم
انك اغلى من عشقته الى يوم الوداع
والدليل اني احبك الى قالوا الاسم
انتهض واقول لبيه ياسر الضياع
كل مايخفي خفوقي بوجهي يرتسم
وكل شي يصير للناس سهل الاطلاع