[السبيعيه]

هلا فيج يااختي الكريمة سارة السبيعي مااقول الا عسى الله يحفظج ويرحم والديج ويبارك فيج ويرزقج على قد نيتج الطيبه اولا للعلم ترى انا قاعد اتغشمر مع اخوي ناصر الدويله وناصر بيني وبينه ميانه الى ابعد الحدود ولذلك انا قاعد اتغشمر معاه سامحيني على عدم ذكر ذلك بس ودي اقولج شيء يااخت سارة السبيعي وسامحيني على ذلك ! بالبداية لمن شفت موضوعج هذا وركزت على تسلسل الافكار فيه وصيغته والكلام المصفف الجميل والمختصر والنابع من القلب احسست بالبدايه ان هذا الموضوع لاتكتبه بنت صغيرة بالسن قلت في نفسي ان سارة السبيعي اما رجل كبير بالسن وذو خبره عاليه في كتابة المواضيع او شاعر متمكن يستطيع صياغة مثل هذا الموضوع بالبدايه امانه واقولها بصراحه شكيت فيج وقلت هذا كلام ليس لبنت صغيرة بالسن بالامس زرت كذا ديوانيه في الكويت وخليتهم يشوفون مقالج هذا وكان اغلب الحضور رجال كبار ومثقفين واهل مناصب عاليه والبعض منهم شعراء متمكنين كلهم قالوا نفس قولي وايدوني في راي الخاص بي ولكن يضل شيء واحد خلاني اشك انكي انت فعلا بنت وهو قولج انا بنت ناس شجعان وهذا اللي خلاني اتردد في شكوكي وهو ان الرجل القيادي او الرجل الشجاع الفارس ياتي من الخلقه وهذه هي الجينات الوراثيه التي ملكتيها من ابوك وجدك يابنت الاجواد فتوارث الافكار وتواردها بين اهل القيادة والشجاعه اجبرتك بالبوح بتلك العبارات الصادقه من قلبك ياسارة سامحيني يااختي سارة على تشكيكي فيك واعلمي اننا بالانترنت هذه كالاشباح والله وحده هو يعلم من نحن دعواتي الصادقه من القلب لك ولاهلك بان يحفظكم الله جميعا واعلمي تماما ان ناصر الدويله مثله كثيرين بالرشايدة وباقي القبائل الطيبه الاخرى

أمين يارب العالمين ..
ونعم بالرشايده ونعم بناصر ونعم بكل عربي اصيل لايخشى في الله لومه لائم
ويحب الحق ويقوله ولو على نفسه ولسانه لاينطق الا بـالحق

أخي الكريم [ابو صالح] ..
مسموح ولا فيك بإذن الله لاشك ولا ريبه .. ومعذور في هذا التشكيك
فأنت لست اول من قال هذا عن ساره السبيعي .. دائما مايقال ان خلف هذا المعرف رجل
ماأدري ليش ؟
مثل ماذكرت اخي ابو صالح ان يكون خلف هذا المعرف [ خبره في كتابه المواضيع ] واضف إلى ذلك كتابه المقالات والخواطر ومحاولات لكتابه الشعر ..
فانا لست حديثه عهد بالانترنت وعلاقتي به ابتدت قرابه الـ 8 سنوات ..
فاأنا اعذرك في تشكيك ومسموح يآأخوي . .

وشهادتك وإطرائك نيشان فخر وإعتزاز من قبل شخصكم الكريم .. والله والله إني اعتز وافتخر لوجودي بينكم ولـ تفاعلكم معي خصوصا تفاعل وتواجد والدي الابي الشجاع ناصر الدويله
ولايخفى عليكم انني افتخر بين اقربائي واهلي بهذا الموضوع واعطيهم الرابط حتى يشاهدو مدى جمال وروعه هذا التفاعل والترابط الاخوي .. الله يحفظكم ويرعاكم ويوفقكم لكل خير ويسدد خطاكم ويحميكم من كل شر ..
مره أخرى أكرر شكري وتقديري لك يآاخي الكريم ولـ جميع اعضاء وزوار هذه الشبكه الغراء