[(ابوعواض)]

يا استاذ انا ابنشدك عن زايد اللوم ... مسكين والمسكيـن ارعـى ظروفـه
تدري وش اللي حد عيني علي النوم ... يمكن وليفي فـي منامـي اشوفـه
تشرح وانا اجاوبك مفهوم مفهـوم ... والـدرس والله ماعرفنـا حروفـه
وش حيلت اللي من عنا الوقت مهموم ... والحظ الأشهب مايحقق شفوفـه
وجدي وجود اللي من العز محروم ... لحد(ن) نشد عنه ولا احد(ن) يروفه
يقولها اللي صار بالحب مظلوم ... علـى وليـف(ن) ماتناسـا وصوفـه
المشكله لاصرت بالبعد ملـزوم ... والوقـت ماتقـدر تحـارب سيوفـه
عايش وقلبي عقب فرقاه مرحوم ... مثل الذي شال الجمـر فـي كفوفـه
العام بيت العـز ثابـت ومرمـوم ... كـل(ن) تمنـى يسكنـه مايطوفـه
واليوم بيت العز طايح ومهدوم ... واللـي يشوفـه فـي عيونـه يعوفـه
حتى قصيدي للشقا صار معـزوم ... والهـم والأحـزان اكبـر ضيوفـه
ويا استاذ انا استأذنك فيني النوم ... يمكـن وليفـي فـي منامـي اشوفـه
وان جيت تزعجني تبي اتقول لي قوم ... ترى بتلك واهبدك بـأي طوفـه