الكابتن
من شاعرٍ هجرس وغنا من ديار ال الصباح=طيارته رمز الشعر فوق المزن جنحانها
احد ركب فالطايره واحدٍ تحت ظل الجناح=والموت في بطن الشبح والنار في شكمانها
بعيد الشووح
الغرب سوّد بالمزن والشرق ذعذع بالرياح = تباشرو بالمزنه اللي عزلت ربانها
وطيارة الكبتن من المغرب ليا حد الصباح = منعت من حدود المطار وضيعة عنوانها
الكابتن
الله يجيب الخير حتى البدو ترتع بالمراح=حتى تريح من عنها وتنبسط رعيانها
خلك بعيد الشوح وحسب للذخيره والسلاح=وان جتك غاره بندقك لايختلف نيشانها
بعيد الشووح
شفنا بنات الريح وسط الكون ماتهاب الرماح = لكن ولا خيال شفنا ماسكاً بعنانها
مافيه داعي للكلام اللي مثل سم الذحاح = المعركه عذراء ولأحدٍ شايفاً فرسانها
الكابتن
حنا بزمان العولمه وقت الفرس والرمح راح=والأندلس غاب أسمها يوم أرحلو سكانها
ان كان صلحت نيتك تصلح وتبشر بالصلاح=وام العيون السود يفرحها لقاء سلطانها
بيعيد الشووح
ان بان وجه الصبح بان الصوت ياحي الفلاح = محد نشد والأندلس تبقى فخر بأزمانها
انته على نهر الفرات وتستعين بماء قراح = وانته بيدك تموّل الدوله وترفع شانها
الكابتن
ما شفت وجه العمله وصارت حصاة مضيمضاح=الله يلوم التاجر اللي عملته ما صانها
انا على شاط النهر واسمع حمام الدوح ناح=مدري حزن والا تعلم نوحها ورعانها
بعيد الشووح
البوصله ملكك والشوف السهم فيها يوم طاح = ومادام سهمي مرتفع مالي ومال اوزانها
ركز نظر عينك على ماطاك ياراع الوشاح = المد مدي والجزر جزري لكسب ارهانها
الكابتن
راع الجزور اللي نحرها يوم دم السفح ساح=ماشافه الضيف الكريم اللي مسك ذرعانها
ابشرك كل النخل مرطب من حبوب اللقاح=لايتعب الفلاح ويزود مدى سريانها
صح اللسانك يالكابتن
وصح اللسانك يابعيد الشوووح
وبيض الله وجيهكم طاروووق يرتقي بكل جداره الي ذائقة القارئ لاهنتم