[ذبحني غروركـ]

[ آلسلآم وعليكم ورحمة آلله وبركآتهِ ]

قلبي على شارع المحبوب وداني ..
طاوعت قلبي وجيت البارحه بيته ..


مدري وش اللي بعد ذ الوقت صحاني ..
وأنا حنيني غفى من يوم هديته ..


بعض المشاعر تجي مرّه وتنساني ..
لامن نسيت الغـــلا وإلا تناسيتـــه ..


وبعض المشاعر لو إنك عشت وحداني ..
يـــدق قلبك ليـــا منك تطـــرّيتــــــه ..


الصاحب اللي كسرني يوم خلاني ..
تلعب بي ظنون شكي يوم حبيته ..


ويلاه من شك دمرني واذاني ..
شعور يذبــــح لغيــري ماتمنيته ..


اهديت صدق المشاعر فيه واهداني :
أحـــــلا كلام الغـــــزل منه تلقيته ..


يضيق صدره ليا منه تباطاني ..
ويفـــــز قلبه وينسى الهم لا جيتــــه ..


ويجن عقله ليا من قلت تهواني ..؟؟
وآحس كني بسؤالي استفزيته ..


يحلفلي إن بحياته ماعشق ثاني ..
وحدي أنا اللي لدنيا الشوق ناديته ..


لكن طبع الدلع مع قو شيطاني ..
دمر حياتي معه يومي تماديتــه ..


لابارك الله في شكـــي وطغيـاني ..
ياليتني ذا الطبــــع ويــاه شليته .,


من يوم ماقلت له ارجوك تنساني ..
في وجهه الخط مدري كيف صكيته ..


من يومها راح لا عوّد ولا جاني ..
وانشهد إني على التوديع حديته ..



..

الموضوع الأصلي: ويلاه من شك دمرني واذاني ..شعور يذبــــح لغيــري ماتمنيته | | الكاتب: ذبحني غروركـ | | المصدر: شبكة بني عبس