لو بوصفك يابنت قولي وش يصير
بتعيش كل الناس مع وصفك احلام
وانا اغار ولا ابي فيك تفكير
مابي تعيش الناس في زينك اوهام
ابسألك يابنت محتاج تفسير
شيٍ يجيني تالي الليل مانام
اسهر افكر واستعيد التفاكير
عن شي بالتحديد له سبعة ايام
قلتي احبك ثم تصبح على خير
كلمة احبك منك سوت بي اجرام
زادت بي همومي وكثر المشاوير
بين العقل والقلب تعبت الاقدام
العقل مايقنع مع ايات تعبير
والقلب يبغى الصبر لو هو له سقام
والحين ابي للحب يابنت تبرير
بين المزح والجد بالحيل منضام