وشصار يعني لوحبيبي هجرني
ماهمني لاهو ولا اللي يقولون
كم واحد قبله وفيت وغدرني
ماقامت الدنيا ولاصرت مجنون
وان كان قصدك بالخساره خسرني
وان كان قصدك بالعطايا يولون
محدعلي ذيك العطايا جبرني
وشرواي لامنهم عطو مايمنون
شي خذيته من ابوي وشهرني
الطيب لي حي لوكان مدفون
وبالشده اذكر بالرخا من ذكرني
واجيه انامن اقصاي لاصار مغبون
واتعب على منهوجرحتةوعذرني
وامسك عليه الي اخطا كلمة اتمون
واسهرعشان اللي تعبت وسهرني
وكانه سهرني بعين ابسهرله عيون
واشكركرم منهو عطيته وشكرني
والله يسامح من خذا وقال مديون
رح للذي تو ما عرفني وخبرني
وقله تراصاحبي كلمني هاللون
كل الجفا اللي منهم ماعسرني
صاروا معي والا علي ما يهمون
لي الشرف غيرالزمن ماكسرني
اطيح واضحك له واناكلي اطعون
حتي ولوطيبي لعبي ودمرني
اموت لي المنه ولا أموت ممنون
وصحيح اناطيب وعقلي كبرني
لكن اذا ضاقت علي صرت مجنون