يابوي ضاقت دنيتي عقب فرقاك=كني بهالدنيا : وحيدٍ لحالي
يفز قلبي كل ماحل طرياك=واصفق على الكف اليمين .. الشمالي
لاتحسبنّا بعد موتك نسيناك=لا والذي ينشي صدوق الخيالي
انت الوحيد اللي حقيقه : فقدناك=والقلب ماهو عنك يابوي سالي
مالي جدى غير امسح الدمع وانعاك=الله يصبرني على ماجرالي
الله يغفرلك ويمحي خطاياك=وفي جنة الفردوس .. منزلك عالي
ماعاد باقي عندنا غير ذكراك=حتى وانا فالنوم اشوفك قبالي