جيتك وانا يابنـت طرقـي وعسـاس
جَمّالْ عَشْـقٍ دَرْهَشَـتْ لِـك ذلولـه
جيتك وانا طاحت من عيوني النـاس
غريب وانتي موطنـي يـا خجولـه
مُدْمِنْ سَهَرْ ما تَعْرِف اعيوني انعـاس
عنيـد راس وممتـلـي بالرجـولـه
أحرق جروح الصدر في جمر الانفاس
شوفي رماده تلعـب الريـح حولـه
جيتك وَلاَ غيرك من النـاس جْـلاّس
في قلبـي اللـي تستثيـري فضولـه
بَهْدِيْك عَطْـرٍ كـل ماهـبّ نسنـاس
مثل الربيـع اللّـي تجـدّد فصولـه
جيتك وانا ذايب ومرهـف وحسّـاس
وكـلٍ علـى ماقيـل يتبـع ميولـه