[ذبحني غروركـ]

عفا الله عن نفسٍ تكابد غليلها
وعينٍ من الفرقا تزايد هميلها
اثر مايموت العاشق إلامن النيا
ليا ماقوت رجله تواصل رحيلها
واثر مايموت العاشق إلامن الجفا
ليا صدت اللي من هجرها حليلها
واثر مايعيش العاشق إلا من المنى
مثل من يدين دينة يحتريلها
وأنا اللي فديت بما ملكته بساعدي
ولاتنقص الكيله ليا جيت اكيلها
وأنا اللي هجوسي كلها في مصيرها
ولو ماتجيني كل الاوقات اجيلها
بفكري عليها شابكٍ شرّد المها
أرد الشوارد كل مبعد جفيلها
على شان عهد صار بيني وبينها
غلاها يزيد بيومها قبل ليلها
سليت بغرام اللي ملكني غرامها
وهي تستويلي عاشقة وأستويلها
تعلمت إشارات الهوى من حجاجها
وسود مقابيس الفنا في ظليلها

الموضوع الأصلي: عفا الله عن نفسٍ تكابد غليلها ..وعينٍ من الفرقا تزايد هميلها | | الكاتب: ذبحني غروركـ | | المصدر: شبكة بني عبس