أسالو يوم الأحد وش فيـه صـار
صار ثقل طويق مع قصة نظرهـا
والجروح تطـب فينـي وتختـار
أنا سماها وأرضهـا ويـا بحرهـا
ودموع عيني في جفوني لها أثـار
أستصغر الدنيا ولا أنظـر بشرهـا
لا تسالو يوم الهواء بالسماء ثـار
السالفه في كلمتيـن ,,أختصرهـا
أبطى عليه ما أتصل قلت وش صار
خفنا عليه من الطريـق وخطرهـا
مرت عليه نصف ساعه كما النـار
كني بوسط السجن نفسي أسرهـا
من بعدها دقيـت والقلـب محتـار
ما جأوب الدقات وش به زهرهـا
كنت أحلم بصوته كما نغـم قيثـار
جتني رساله تعكس أجمل صورها
زعلت أنا وأرسلت له نغمة شعـار
في عتمـةً للـدار طايـل سفرهـا
جاوب لها المرسول وتلاقن الأنظار
وجت الرساله نار تحرق شجرهـا
ثم قفل الجـوال والقلـب محتـار
ما نتبع المقفـي بغبـة ,,بحرهـا
إحترت أنا مابين عقلـي والأفكـار
حبه حديقه نفسي أحظـن زهرهـا