صح اللسانك وبيض الله وجهك قصيده جزله ومن شاعر جزل يتميزبه شاعر الشمل بيض الله وجهك
على المشاركه وبتوفيق
ياصاحبي صمتـي طبيعـه وعـاده
مااخفيك..صمتي فرجة الدرب لاضاق
فيـه اتمـادا واتـطـاول زيــاده
وهو الوحيد اللي ليـا طـال مابـاق
دوني فتح جبهـة حـروب الابـاده
حمّل غريمي دون روحي مالاطـاق
ارخى الرقـاب وحـط فيهـا قـلاده
وارسل رساله نصها(حسن الاخلاق)
كل(ن) يترجمهـا بحسـب اعتقـاده
واليا اخلصو شقو من الغيض الاوراق
ماحد(ن) لحق غاية هـواه ومـراده
والصبر محرقهم على صمتي احراق
فالصمت عن بعض السوالف عبـاده
لكثر هرج مقطعـة ميخـر السـاق
وان كان ودك فـي دليـل وشهـاده
راقب حوال مبعثر اسرار الاعمـاق
تلقـى بـراح(ن) مايتعشّـا جـراده
وتشـوف بعيونـك قليليـن الاوفـاق
اللي هـم اسبـاب الشقـا والقـراده
لحوالهم وألا اكثر النـاس ماانسـاق
يفهـم ولاتاطـا الخبـاره جــواده
لو حرك الغربي زماليـق الاشـواق
شرواك ياطيـر(ن) ينومـس هـداده
لاشالـو البرقـع ولافيـك مسـبـاق
لاتصير في خاطرك نقطـة سـواده
خل الفقارا اتضيع في وسط الاسواق
ماهي حكايـة مـن يعاديـك عـاده
حنا بوقت امسايـرة لطـف الاذواق
اصبر على حـر الزمـان وبـراده
واقطف ثمـر ميلـوق وياك..مـالاق