[قسورة الغاب]

من منبر المنتدى واعضاه وضيوفه=اعلاً مع العمده المغوار ميقافي
لو ابن صنعاء معاه وراعي الكوفه=علاقة العود خلا قلوبها نضافي ههههههه
الشايب اللي يحفض الوقت معروفه=ماهو على ساكنين المنطقه خافي
وانا اخو جوزى لاثار الوقت عاصوفه=اثنيلها لاغدا للمعركه سافي
حربي معارك تداحم عبس في جوفه=ماني بحربي قبيله مثل صيافي ههههه
اللي حمل صورة الميّت على كتوفه=لو ينتمي للقبيله مابه خلافي
مير البلا صورة الرجال معروفه=وعلاقته مع قبايل عبس ياكافي ههههه
اكبرخلل وسط حزب البعد وصفوفه=لاصار حزب الثلاثيه ماهو صافي
عيدو له الهيكله بالقاب مالوفه=ترى بني عبس فيها ناس عرافي
لاتقوللي عن مسار الوقت وضروفه=افخر بربعك لو انك جايعاً حافي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
************************************************** *************************************************ـ

مبرووك للعمد الي زاد مصرووفه = لو كان ماهوو اكيد انك بتنضافي
وان كان حطك ياخوو جووزي مع سيووفه = عز الله انك تبي تافي وتستافي
شاعر وعندك علي الموال معزووفه = وتشيل بيتك وترقا راس مشرافي
والشاعر الزين محدن ينكر حرووفه = لو كان ماهووو بلا مرشد ولا نصافي
وحجتك ياشيهب الحجان معطووفه = مثل رقبت الجمل في كل الاوصافي
صياف شاعر وطن وقفته مشيووفه = ماهوو بشاعر قريّه يرهف ارهافي ههههه
والي قصيده فرق حريره وصووفه = يصير صياف بالميقاف والقافي
والسالفه ياشهب الحجان مردووفه = ومن الثلاثي عليك خيال هتافي
وان سيّل خيالنا ماذرتك طووفه = ولا يفيدك ولد برمك ولا شافي
وترووح مفلووق والعينين مطرووفه = ونلقاك بكره تعوّن عند الاوقافي ههههه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ
************************************************** **************************************************

القسورة والقصيده نوب ملقوفه=والا الغضنفر نعرفه ماهو مزهافي هههههه
شاعر محنك يصوغ البيت ويحوفه=ويمس طنب الشعر مع كل الاطرافي
وانا القريحه على شرواه ملهوفه=وعن غير شرواه فيها هيام وعيافي ههههههه
لكن حداني عليها البرق وقنوفه=والوقت مايجهلك وسنيننا عجافي
والارض من عقب مات القشع مكشوفه=قيعانها بيض بالناضور صفصافي
يالوف قلبي ياسبع الغاب يالوفه=انشهد انه خطير يصيبه خفافي
ماتقل هالناس بالموضوع مكلوفه=رغم المواهب وحضن المنتدى الدافي
يالعمده اللي دفن بالمعركه خوفه=مدام معك اخو جوزى العود لاتخافي ههههههه
بالارض لعداك دبابه وشاخوفه=ومن السما للعدا صاروخ حذافي
عليهم الارض مطويه وملفوفه=ومن فوقها شهبنا للسارق الحافي هههههههه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
************************************************** **************************************************

قل لخو جوزا لاجاه العلم لايطوفه = ان كان وده ينام الليل مايخافي
ان كان زان القصيد وزان معزوفة = نشب نيرانها بوجارك الطافي
حنا نهار الملاقاء قوم معروفه = نوردك عمق البحر لو كنت غرافي
وصياف ماعبرك والحال مكشوفه = ان كان هذا ماعندك وش بيقى خافي
ماكنك الى براسك تظرب الطوفه = اسمع تعزويك واناظرلك اخلافي
والصورة الي عن الابطال ماوصووفه = ماهي مثل صورت(ن) لبليس ياكافي
والعمد ه الي عليه الحال مأسوفه = خلاك كبشاّ فدا عن بعض الاطرافي
والمعركة جيتها وايديك مكتوفه = وبتموت مدحور وانت ايدينك انضافي
وحزب الثلاثي ارقبتك من حد االسيوفه = ان كان مالولحة ماني بصيافي
رح وانشد الي خذا بالمعركه طوفه = وضاح والبرمكي وتعود اعيافي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
************************************************** **************************************************

صياف شمسك مع الشعار مكسوفه=ضلم سماها عقب ردك على قافي
شيها نتاً من جمال الريش منتوفه=في وكرها ماترفرف تلعف العافي ههههههه
لو ان ماهي عن الامطار مسقوفه=صلبخ عليها البرد ماعاد تنشافي هههههههه
والحر الاقطم لاطالع يعجبك شوفه=من ضرب كفه تشوف الريش نتافي
انشهد ان المغازي نوب مخلوفه=تكسب علوم الديار دهور واريافي
لو انها بالمخاطر نوب محفوفه=بالوقت هذا وماضي وقت الاسلافي
وانا عقب ماتبين مالي حسوفه=لقيت من شال موتى الناس شفافي
لو ان جيبه جديد يهرب الصوفه=مكينته مابها شنبر وحذافي
ليت الغضنفر يشيله شيل باكتوفه= ويوسقه فوق رمل بحوض نسافي ههههههههه
والا يصوعه على خده من كفوفه=من شان يصحى تراه بنومته غافي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
************************************************** **************************************************

كم قلت لك ماتعرف الشعر وصنوفه = مافيه بيتاّ تقوله ساتر وضافي
تمشي على طبلتاّ ماهي بمعزوفه = تحذف يمين ويسار وترجع اخلافي
مير استرح دام غيرك ناس مكلوفه = وانت . استمع . تستتفيد . بفكر عرافي
لاصار مالك هدف لعبتك مكشوفه = تبغاني اركض على ساقتك يالحافي
ماهي علينا يابو حجان مزلوفه = الخطه اضعيفه واعقولها اضعوفها
لالا تراني بعمر الماد واحوفه = وداخل احدودك صفوف الجيش وقافي
ولو افترضنا اتبعك في كل محذوفه = بالحزب مثلي من الي لا وعد يافي
ولو انت كفو القا والحرب وضروفه = هاجت بحور القصيد وعجز القافي
مير انت كبش الفدا الي من هلس صوفه = كد عافك السوق ياممحوق الاوصافي
وان كان باشعر رسم اهداف معروفه = رسمت لك بالشكل والعلم ينشافي
خذها مبين العيون وكز الك طوفه = احسن من انك تجي في نحر صيافي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
************************************************** *************************************************
************************************************** *************************************************
************************************************** *************************************************

صياف

انت تفاهم مع ابوو صوووط وشلاش

العوود هذا خله ادواه عند

الاســــــــــــد

لعل برقٍ تلاعج فووق اخوو نووفه = يسقيك ياحيّ عووودنٍ ماهوو ميلافي
من مزنةٍ عمّدت ماهي بمحرووفه = خيالها بعد اذان العصر كشافي
يسيل حيموولها عن كل شفشووفه = لين يهدر كل شعب وينحدر لافي
والسيل يجدع حصاته ويهزع رووفه = حتي يجي للثياب البيض رفرافي
لو كان مالي بمقعاده ولا وقووفه = ناقه ولا لي جمل مع راعي الهافي هههه
مير ادلهمت هواجيسي علي جرووفه = يالين صار الزبد من فوقها طافي
وحيان بعض الهواجس ماهي معسووفه = وتغرني نووب مع نايف ونوافي هههه
اتلها من مداحن ماهي مقطوووفه = ماناش عرجوونها المعسوول قطافي
ورشاك ياشيهب الحجان لا تكوووفه = كانك معزم توقف فووق مهيافي
وان كان بندقك فووق المتن منسووفه = حنا بلاجيكنا تصيب الاهدافي
ومن حزب الابعاد شف شقفتك مشقووفه = ولا زل يهوي عليها كل سيافي
حتي تحول عن المهياف وتعوووفه = والا تعود ثقال علوومك اخفافي