[بدر بذر الرشيدي]

السلام عليكم ورحمة الله
اقدم قصيدة المشاركه وارو ان تحوز على رضاكم


ياللي جرحت القلب ماعاد نبغاك

يكفيه ماجاله من الهم يكفيه

اول يدق ويحلم بطيف ذكراك

واليوم مابه نبض خابت هقاويه

كنت احسبني صرت في وسط مرساك

اثري بعيد وصعب مرساك الاقيه

طبع الغرور اثر على نهج مبداك

وخلا طريقك ماتجدي خطاويه

ابترك هموم الحب واسلا وابنساك

واجيب دفتر ذكرياتك وابمحيه

انا ادري ان القلب يصرخ لفرقاك

لكن بدوس القلب وانهي دعاويه

عزيز نفس ولا اتحمل خطاياك

كثر الخطا يازين مااقدر اداريه

دمرت حبك واصبح القلب يرثيه

قلبي تمنى يلتقي يوم وياك

لكن بعد ماصار خابت امانيه

مع السلامه وانت لله شكواك

جرحي مع الايام ربي يدوايه

اخوكم الشاعر(بدر بذر الرشيــدي)

الموضوع الأصلي: (قلب جريح) قصيدة المشاركه | | الكاتب: بدر بذر الرشيدي | | المصدر: شبكة بني عبس