[نادر بن مساعد]

اسعد الله اوقاتكم بكل خير

هذي اولى قصايدي

في شبكة بني عبس

واتمنى ان تنال اعجابكم

[POEM="font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الحب حاسته القلوب المريضه = وين انت ياعنتر و وين انت ياقيس

خلوه كذبه لجل غايه حضيضه = كذبه تصدقها العقول الملاحيس

ليت البني تصحا وتكتب عريضه = من حط نياته خياسات بيخيس

عشق الشرف بالقلب معلن فريضه = على النقا عفه ومن دون تدنيس

البارحه غنيت وجد و غميضه = حارت دموعي وسط جفني محابيس

ياهيه يلي وسط قلبي مقيضه = عليك عوج الصدر ردن مناكيس

يلي عيونك نجل سودن عريضه = ياعين حرن ذل كل القرانيس

وشلون تجفاني وشوقي تفيضه = وانا مذوقك الغلا دون ما اقيس

عشتك ربيعن مقفين عنه قيضه = وحكمتك بقلبي كما حكم بلقيس

هذي سنه والثانيه بتعريضه = وانا عيوني من فراقك متاعيس

اخيل براقك واخايل وميضه = وافز لا هبت هبوب النسانيس

والله لتبطي منزلك وسط فيضه = في وسط صدري بين حدبن مراويس

لو طال بعدك والجفا طال غيضه = ماني ببدل فيك عشق المناحيس

مادام حبك وسط قلبي فريضه = ببقى على عشق الشرف والعن بليس[/POEM]


[rams]http://www.bani-3abs.com/up/files/31-1201369422.amr[/rams]

لــحــفـــظ الــمــقـــطــــع



مغليكم / نادر بن مساعد

الموضوع الأصلي: وين انت ياعنتر و وين انت ياقيس لـــ نادر بن مساعد + وبصوت شاعرها | | الكاتب: نادر بن مساعد | | المصدر: شبكة بني عبس