شاعر حائل وعبدالاله الميزاني
عبدلاله الميزاني
يامرحبا بسمي واسم راع المواجيب
اللي لياجـات المواقيـف احتمهـا
الطيب ياهل المعرفه عند اهل الطيب
وعزوة مطير الناس ما تاصل مداها
دحيم الخياري
جعل البقاء فاللي يردد با التراحيب
قامت صفوف الملعبه وأنور سماها
الذيب يقنب كل ما يسمع عوا ذيب
مار الذيابه نوب ما يسمع عواهـا
عبدلاله الميزاني
السلم يتبع ماش لا شكه ولاريـب
واللي يدورله على حاجـه لقاهـا
الذيب قدمه ذيب في روس المراقيب
والاوله والثانيـه ماشـي سراهـا
دحيم الخياري
ترا العرب يا صاحبي ما تعلم الغيب
لكن بحور الارض من يلحق مداها
مكل من سمـوه جدانـه تراحيـب
ماهو كما اتراحيب لا دارت رحاها
عبدلال الميزاني
لا ضاع حق يادحيم لـه مطليـب
ياكـم نـاس منفعهـا مستـواهـا
الادمي لن عاش من بين الاصاحيب
يبحث علوم (ن) ما تبينهـا خفاهـا
دحيم الخياري
ان جاد حظ الرجل ضوا شمخ النيب
وان طاح حظه طش دلوه مع رشاها
السيل يطلع كل مافالارض يا شعيب
هذا الصحيح وكل بير انعرف ماها
عبدلاله الميزاني
انته ولد ها العام واليومه بك الشيب
مثل الذي لقال لـه كلمـه نساهـا
حنا وردنا فوق عذبات المشاريـب
ويا الادمي قصتك كتبهـا قراهـا
دحيم الخياري
اللي مشيب صابني كثر التجاريـب
وانته على الدنيا ما تشعرفي عناهـا
انشـت الخبـرى يمتـون التغليـب
يا الله عسى الخبرى يزيد السيل ماها
عبدلاله الميزاني
أحيان اشوفك بس كثر ايامك اتغيـب
لا وعناء ناس تعـذب فـي شقاهـا
ياالرامي اللي تخطي الاهداف وتصيب
مثل السنون اللي تركب فـي جماهـا
</b></i>