للشعر تغريبه ولليل عشاق = وللنزف حبر ٍ منتثر في قفى الطرس
وللشاعر المجنون غيدا لها اشواق = الى اكتمل نزفه همس بذنها همس
همس الغرام اللي يجي وسط الاوراق = مكتوب من دمه وهو يلتمس لمس
لمس اليدين وخدها وذيك الاحداق = ورمش العيون الناعسه منغرس غرس
مغروس في قلب ٍ لها حيل مشتاق = ينبض ونبضه بالامل منولد امس
يوم العنود المترفه بين الافاق = يرقى لها بالشعر شفه دفا الشمس
يكتب لها شعر ٍ من القلب دفاق = ينثر لها حب ٍ طمس حيرته طمس
تسكن بعين وهم تسكن بالاعماق = لا استكبرت واستنكرت خافق ٍ نمس
في صمت ناداها ونادت للافراق = يوم انها خافت يجي للغلا عمس
واقفى ودمعه محرق ٍ خده احراق = معلن رحيله يوم في ذله احتس
وشد الرحال وناوي البعد منساق = يرقى مراقيب ٍ وينزل على طعس
للمغترب قصه لها ناس عشاق = وللشعر تغريبه لجت داخل الطرس