مسابقة الموسم2 هذا قراري
قل اتصالك ماعرفنا نواياك=حتى الرسائل للأسف ماتجينا
ياما وياما بالمحبه عطيناك=واصعب دورب الحب لجلك مشينا
انا وجرحي والليالي ذكرناك=نفس المكان اللي عليه التقينا
حتى جروحي صابره وتمناك=تقول يرجع والصحيح انتهينا
الجرح يعطيني امل في ملاقاك=حتى الامل ياصاحبي يرتجينا
اطرد سرابك والتفت في مطاياك=والمشكله لقياك صعبه علينا
ماكنت متوقع حياتي بفرقاك=لكن ضروف الوقت ماهي بيدينا
واليا بغينا شوفتك مالقيناك=تغيب واهموم الليالي تجينا
خلاص يابحر المحبه تركناك=دام الهجر مفتوح بابه سلينا
ارحل وانا برحل على خير بنساك=هذا قدرنا والصحيح انتهينا
الشاعر/ سعود عبدالله القلادي
آخر تعديل بواسطة دايم العز ، 12-10-2010 الساعة 02:08 PM.
السبب: حرف
| توقيع دايم العز |
 [/url |
|