وغديت انا مابيـن بايـع وحـراج
هـم يحدربـي وهـم رقـاء سنـود
اخاف من الدنياء الغـدر والتبعـاج
اخاف انا ياخوك هالوقـت محسـود
وانا يابو تركـي لشـرواك محتـاج
يابن خنيفـر ماكـر العـز والجـود
اتم هل البيضاء مثـل عـد هـداج
وحنا لكم عـوان وبـدود وعضـود
وقت المغازي نهزم احزاب وفـواج
ونصد غارات ونثنـي وراء فهـود
جدي وجـدك ماطـو درب منعـاج
حنا لنا عـادات وعـراف وحـدود
يازبن من صكو عليه العداء وهـاج
راسه شجاع ولا سبر درب مسـدود
عطني جواب فيـه للـدرب منهـاج
وزكي تحياتـي عـدد هبـت النـود
صح السان الشاعر الأجهر وقصيده رائعه وننتظر رد ابو تركي الشاعر ناصرخنيفر