للشعر وعيونك على ذيك الأوراق
وعطر الكلام اللي تغلّف بزينـك
ساعة لقاء كانت فرح بيد عشـاق
بسمة غلا بانت على اهداب عينك
مجنون عاشق من سكر فيك مافاق
تدرين متهور تحـت ظـل تينـك
ياديم ريّك أنبت بصدري أشـواق
وأزهر وفاحت به حلو ياسمينـك
سكرعلى شهد الحديث اللـذي ذاق
منه حبيبك ينتشـي فـي يمينـك
غلا..غلا عاش بتضاريس الاعماق
بس فتشي قلبـي تشوفيـن وينـك
قصيدتي بعلو الثريـا بالأحـداق
أسمى القصايد تفتخر في جبينـك
لاتصافحين أرضي على نية افراق
كل العروق اللي بجسمي تدينـك
كوني هنا دامك هناء قلب مشتـاق
أحياء بهمسك وارتوي من حنينـك