(كِثِرْ)مافي عيونك من سوا ليف الغزل مشتاق
كثر مَا يُفْرِحْ الْبَدْو المطر والأرض موسومـه
تعالي سولفي لي عن علوم العشق والعشّـاق
أنا أصدق قلب حَبِّكْ وبعيونك ضاعت علومـه
أحبّك حُبْ مُسْرِفْ في هِيَامِه جـاوز الأَفـاق
وحُبِكْ أمر واقع والمسائـل فيـه محسومـه
وَلاَ إنتي بحاجه (للقسم)(والعهدْ)(والميثـاق)
خذيتي لك وثيقه باصْدَقْ الإحساس مختومـه
عيوني ياعيوني ما تَرى غيرك على الإطـلاق
لأنك ياحبيبه فـي سـواد العيـن مرسومـه
عَرَفتِك في صباحي نور شمسي حَزّة المشراق
وتَعَوّدْتِك بليلـي بـدره، وقمـراه ونجومـه
وزَرَعْتِكْ في خفوقي زهرةٍ في (تربة الأعماق)
(وكُبِرْتي) ثم صرتي عالمي في كل مفهومـه