ما قلت لي شي وش خليت مـا قلتـه
اسكت وخل الكـلام لجرحـي الدامـى
لو غيرك اللي يسولـف مـا تحمّلتـه
لكن على شان عينـك هانـت ألامـى
للحـب مفهـوم عمـرك مـا تخيلتـه
ما أظن يستوعبـه تفكيـرك السامـى
هذا الفراق الطويـل وهـذي أسئلتـه
هذا حصـاد السنيـن وهـذي أيامـى
يا ما ويا مـا عليـك البـال طولتـه
والعمر عدى وأنا عايش على أوهامي
حتى طريق الفـراق اللـي تساهلتـه
لقيته أصعب على نفسي مـن أقدامـى
اصبر لي شـوي لـو دمـي تثاقلتـه
بحاول أستوعب اللـي صـار قدامـي
الحلم ضحكة بعينـك بـس مـا طلتـه
عمرك بهالكون شفت أبسط من احلامي
القلب لو ما خفق لك كان مـا شلتـه
ولو ما أنت ملهم قصيدي جفت أقلامي
هـذا قصيـدي بعينـك لـو تجاهلتـه
ينزف على شأن يروي قلبك الضامـى
العـام طـاري غيابـك مـا تقبلـتـه
واليوم حرماني أصبح مصدر إلهامـى
لا تعتذر لي وابنسـى كـل مـا قلتـه
وش ينفع العذر لامن ضاعـت أيامـى