[الفيلسوووف]

بسم الله الرحمن الرحيم
امسي على اعضاء وشعاراء هاذا الصرح الشامخ ,,,,,,,ويشرفني بان انزل قصيده سبق وان نزلتها بالشعر الشعبي وهي اول محاورله في شعر النبط ,,,,,وانا مشاركتي معكم فوز بحد ذاته وطلتكم على القصيده فوز عظيم لي ......

عسى الله يصبرني على غيابك اسبوعين=لو إني على فرقاك ماعاد يمديني
تولعت بك واخذت قلبي وأنا مسكين=لو أشوف حتى دمعة الطير تبكيني
مسا الخير ياعطر الحياة وقرار العين=مسا الخير يانبض الوجود بشراييني
مسا الخير ياصوتٍ صداه بسموعي دين=مسا الخير ياروح القصيد بدواويني
مسا الخير مازينت فيك الزمان الشين=مسا الخير مافكرت بك بيني وبيني
مسا الخير ماسهرت عيوني لعينك لين=غفا الليل واستنحى وأنا ماغفت عيني
عليك المشاعر مستميته ونار البين=تحملت منها بعدك اللي يكفيني
تخبر الظلام اللي تركني قبل عامين=بعد غيبتك ما غيره أحدٍ مخاويني
منول تسلي خاطري ياملاك الزين=وهالحين ماني عارفن من يسليني
ولكن عسى الله يجمع الشمل بين اثنين=لو إن الفراق بنار الأشواق كاويني
ولا في يدي غير انتظر طيلة اسبوعين=..وصبرٍ جميل..وياعسى الله يقويني

الموضوع الأصلي: الفيلسوووف يقتحم مسابقة الموسم | | الكاتب: الفيلسوووف | | المصدر: شبكة بني عبس