السلام عليكم ورحمة الله وبركاته
اليكم المشاركه مع التحيه
ياللي على مرقاب رجم الهوى ارقبت=يابعد مابين الحديثه وسلوى
الله يلوم البعد والاحد والسبت=صاراً على بعض المخاليق بلوى
حتى الحمام الزاجل ان قلت وش جبت=يلقي مشاريهه على طير شلوى
وانا كبرت ومثل ماتشوفني شبت=وعلوم سبار المعازيب تلوى
والاقشر الخفاق من فعله اذنبت=على حمم لفحة هواه اتخلوى
مابين مشراف الشفاشيف والخبت=الياطمن شوف (الظليم) اتعلوى
اجلابها شوفي عن الحجب والكبت=يزرق على كبد السماء ويتجلوى
وقول ياكوكب عطارد اليا صبت=على مصابك باالوطاء لاتغلوى
تغيب لكنك على البال ماغبت=ماعنك ياكوكب سماء العود سلوى
شرقت والا عن فضاء العود غربت=ابيض والذ من الحليب المحلوى