السلام عليكم ورحمة الله وبركاته
************************************************** *************
بـــــــــن مــــربـــــح
سلام ياهل الحفل وابغي صفـوف يسمعنـي
ثم ازهمولي علا صياف يثبت فـي مكانـه
اللـي يقابـل وسيـع المعرفـه مايستمنـي
اللي يبا الملعبه يقلط ولـه شيـك بضمانـه
الـــســـحــــيــــمــــي
قلب المولع تولـع فيـك ياصـوت المغنـي
لكن ابو زيد لولا الغيـد ماتعـب حصانـه
انـا تبعـت الليالـي والليـالـي عذبـنـي
والرجل يطلق لسانه لين يتعب فـي زمانـه
بـــــــــن مــــربـــــح
اليا كسبتـم عوايدكـم سبـاع(ن) يكسبنـي
ذا اليل قدمك جبل يابن العرب ماهـو ليانـه
انا مورى بكـم يـوم السوالـف ياصلنـي
والله لاقلد مغير الذيـب وامشـي بمشيانـه
الـــســـحــــيــــمــــي
كم واحدآ يحمس القهـوه ونجـره مايدنـي
مدري يباهـا سياسـه غافيـه والا لعانـه
اسمع كلامي وعلـم بـه ورد العلـم عنـي
ان كان حصلت خاين قول له خـل الخيانـه
بـــــــــن مــــربـــــح
نجورنـا قلطـآ يـوم النجـور يقلطـنـي
واهل القلوب الذهينه طيبهـا بـس الذهانـه
انا احسب ان المهندس قبل بالتصميـم فنـي
واثره يبـوز مساميـر التريلـه بالصبانـه
الـــســـحــــيــــمــــي
راع الغنم يزرع الحنـا ويعـرف للتحنـي
يشوفه احمر يحسب انه عصيـر البرتقانـه
من راح زعـلان لعلـه يـروح ولايثنـي
حنـا لقينـاك ياالبـارود وسـط الجبخانـه
بـــــــــن مــــربـــــح
الله يساعدك واللـي غابنـن قلبـك غبنـي
من لحقه الحف يدهن شاربه باتلـى دهانـه
ليت الليالي عن اهـل المعرفـه مابرزنـي
اظني اكسب من اهل المعرفه عرف وحصانه
الـــســـحــــيــــمــــي
قابلت شهب السباع مـع الطريـق وقابلنـي
واللي قليبه صخيـف كيـف يلقالـه متانـه
لعل قلب العنا يصـل البحـور ويرجهنـي
اما صحى القلب والا مرجت فيـه الجنانـه
بـــــــــن مــــربـــــح
انا قريت الحيايا الرقـط حتـى صاحبنـي
ولقيت درب الشجاعه خير من درب الجبانـه
سبحت سبع البحـور بقـدرة الله مااغرقنـي
والعرف ماهو ياراع المعرفـه باالخيزرانـه
وتـقــبــلــوا تــحــيــاتــي
اخـــــــــوكــــــــــم
مقبول الرشيدي