قالوا كذا مبسم سناء .. قلت لا لا= بين البروق وبين مبسم سناء .. فرق
جريت أنا صوت الهوى .. باحتمالا= في وسط بستانٍ .. سقاه أربع فرق
طبّيت مع فرعٍ .. جديد الحبالا= وظهرت مع فرعٍ .. تناوح به الورق
روشن سناء .. له فرجتينٍ شمالا= وبابٍ على لقبله .. وبابٍ على الشرق
مبسم سناء .. له بالظلام اشتعالا= بين البروق .. وبين مبسم سناء فرق
برقٍ تلالا .. بأمر عز الجلالا=وأثره جبين صويحبي .. واحسبه برق
يا شبه صفرا .. طار عنها الجلالا= طويلة السمحوق .. تنزح عن الدرق
له ريق .. أحلى من حليب الجزالا=وأحلى من السكر .. إلى جاء من الشرق
حنيت إنا .. حنة هزيل الجمالا= ينقض ردي الخيل .. قد حسه الفرق
ويا قلته .. في عاليات الجبالا= ماها قراح .. مير من دونها غرق
ماعاد للصبيان .. فيها احتمالا= من كود مرقاها يديهم .. غدن طرق
قالوا تتوب من الهوى .. قلت لا لا= إلا إن تتوب .. ارماح علوى عن الزرق
قالوا تتوب من الهوى .. قلت لا لا=إلا إن يتوبون .. الحناشل عن السرق
قالوا تتوب من الهوى .. قلت لا لا= إلا إن تتوب الشمس .. عن مطلع الشرق